Nightshift:call center agent’s blog

Every call center, may have at some instance, been greatly disadvantaged by a supposed day off. Ideally, a worker should not be in the office for not less than 24 hours for it to be considered a rest day. But because of the nature of our job, where we work in shifting and uncertain schedule, we might have deprived of our rest day.I found an article this afternoon at People’s Tonight tabloid. It explains the legal basis of our rest day.

Nagrereklamo ang isang call-center agent
ITO ANG BATASwith Atty. AGA

DEAR Atty. AGA,

Isa po akong call-center agent na ang trabaho ay sa gabi. Ano po ang isinasaad ng ating batas kung ilang oras ang kinakailangan upang masabi na iyon ay isang restday/dayoff?

Mangyari po kasi ay tuwing nagpapalit ng schedule ang aming kumpanya kada linggo, nawawalan po kami ng da-yoff. Halimbawang ang schedule mo ay Lunes ng gabi, 11:45 p.m.-8:45 a.m. (Martes na), ang susunod na pasok ay alas-dose ng gabi, Miyerkules. Sinasabi po nila na dahil hindi ka nila pinapasok ng Martes, iyon na raw po ang aking day-off, samantalang 15 minuto lamang naman ang diperensiya.Legal po ba ito? Hindi po ba dapat ay 24 oras kang wala sa opisina para masabing day-off?

Lubos na gumagalang,
Joseph

Ayon sa ating Batas o Labor Code as amended, ito ang nasasaad:“ART. 91. Right to weekly rest day. (a) It shall be the duty of every employer, whether operating for profit or not, to provide each of his employees a rest period of not less than twenty-four (24) consecutive hours after every six (6) consecutive normal work days.”

Nangangahulugan na bawat empleyado ay entitled sa rest day na equivalent sa isang araw kada linggo or 24 oras. Sa paggamit ng salitang “shall” sa Article 91, nangangahulugan din ito na ang naturang batas ukol sa pagbibigay ng at least 24 hours na rest day sa isang employado ay “mandatory”. Dahil ito ay mandatory, ito ay kailangan gawin o ibigay ng isang tao o sa kaso mo, ng isang employer.

Hindi rin namimili ang ating batas kung kanino at anong klaseng empleyado puwede ipagkaloob ito. Kahit sinong empleyado ay dapat may isang araw na rest day sa loob ng isang lingo na hindi na bababa ng 24 oras.

Ngayong alam na natin ito, masasabi na natin na hindi legal ang ganoong “scenario” sa inyong opisina sa tuwing magpapalit ng schedule ang inyong kumpanya. Dapat ay meron kang 24 oras na pahinga pagkatapos ng “shift” mo sa ika-anim (6th) na araw kada lingo. Ayon sa ’yo, simula 8:45 a.m. pagkatapos ng shift mo hanggang 12 a.m. ng hatinggabi ay mas mababa sa 24 oras na nakasaad sa ating Labor Code.Samakatuwid, hindi ka nabibigyan ng sapat na oras ng pahinga na ginagarantiya ng ating batas sa bawat manggagawa.

Kung kayo ay may mga bagay na nais malaman o problemang nais na idulog, maaari kayong magsadya o sumulat sa aming tanggapan sa DZXL RMN MANILA sa Guadalupe Complex, 4th Floor, Guadalupe, EDSA, Makati City. Patuloy din tayong makinig sa ating radio program, ITO ANG BATAS WITH ATTY. AGA, Lunes hanggang Biyernes, 6-7:30 p.m., DZXL RMN Manila sa 558 khz. Lagi po nating tandaan, ITAGUYOD NATIN ANG LAKAS NG ATING BATAS! Puwede ring mag-email sa agalaw@pldtdsl.net o mag-text sa cell phone number (0918) 904-6867.)